الچیلر دیرمیش سیزین قیزینیز

کوچه ده اوغلانین توشونا گلیب

بونودا اشیدیم او گلن اوغلان

اله بیل سوگیلیم خوشونا گلیب

ایچیمده آلیشدیم چاشدی خیالیم

بینیمه مین فیکیر دوزولدو دونن

بو سوزی اشیدیم بله بیلدیم کی

اللریم الینن اوزولدو دونن

یادیندا دیردین دونیا داغلسا

قویمارام عشقیمیز داغلا بیر گون

من یازیق ایناندیم بیلمیم داها

سوزلرین دونجاق ناغلا بیرگون

سن اوزونده بونا اینانمایرسان

سنیده نفسیوین قولی آلدادیب

اوغلان آلدانیبدی گوزللیگینه

سنیده اوغلانین پولی آلدادیب

منیمده وارلیغیم یالنیز سنیدین

سنده کی باش آلیب گتمه لی اولدون

منیم گوزلریمنن آخیب یاش کیمی

سوگی تک اوزگه نین قلبینه دولدون

اورئیم داش دِئیل قارقیش اِیلییم

قیمارام گول کیمی بیردن سولاسان

گِتگینن سوگیلیم اونوت مهرانی

تانریدان ایسترم خوشبخت اولاسان